Non cumprendio nudda e bido. (Non capivo nulla e vedo)

Tuesday, 13 March 2018 @ 11:15

Leggi il profilo di: Antonio Balia

Die die mi passitzavo
intro de mene e semper solu
abratzandemi a sa morte
chene bi pessare mai.

Vene mi torrat su contu
trampadore de sa sorte
chi connosco che unu lampu
lestru colandemi issoru;
e mi l’intendo galu in petus
tumbandemi prus a forte
chene m’acabare mai.

E como chi non bido mi nd’abitzo
chi su non pessadu fiat consolu;
ca isposande cussa sorte
che fiat mortu chene dolu
non pessande ateru mai.

E si m’acato che sa die
chi m’ant cambiadu sorte
e bias de mene che so intradu:
est ca fughiu so dae sa morte.

“Non cumprendio nudda e bido
vene chi non cumprendio
e l’aboghino a su mundu
chi est chi m’est dande consolu
e no lu pessavo mai“.

Bennida est dae bona tzeněa
sue nde tennere oe consolu
e dae cussa mala morte
prus indedda che so in bolu;
e prus non la bia mai.

E si m’acato che sa die
chi m’ant cambiadu sorte
e foras de mene che so intradu
indedda est ca so dae sa morte.

“Non cumprendio nudda e bido
vene chi non cumprendio
e l’aboghino a su mundu
chi est chi m’est dande consolu
ca podet dae unu benner solu:
su chi non pessavo mai”.

7 Commenti



http://vetrina.clubpoeti.it/article.php?story=20180312130651757